واٹس ایپ جلد بغیر اکاؤنٹ کے بھی کال کرنے کی سہولت فراہم کرے گا۔

واٹس ایپ جلد ایک نیا فیچر متعارف کرانے جا رہا ہے جس کے ذریعے ایسے افراد بھی وائس یا ویڈیو کال میں شامل ہو سکیں گے جن کا واٹس ایپ اکاؤنٹ نہیں ہے۔

واٹس ایپ استعمال کرنے والا شخص ایک کال لنک بنا کر کسی کے ساتھ بھی شیئر کر سکے گا۔ لنک حاصل کرنے والا شخص بغیر ایپ ڈاؤن لوڈ کیے، اکاؤنٹ بنائے یا فون نمبر کی تصدیق کیے، اپنے کمپیوٹر کے براؤزر کے ذریعے کال میں شامل ہو سکے گا۔

سیکیورٹی کے لیے کالیں اینڈ ٹو اینڈ انکرپٹڈ ہوں گی اور میزبان کی اجازت کے بغیر کوئی شخص کال میں شامل نہیں ہو سکے گا۔ میزبان کسی بھی مہمان کو کال سے نکالنے یا کال ختم کرنے کا اختیار بھی رکھے گا۔

یہ فیچر ابھی تیاری کے مرحلے میں ہے اور واٹس ایپ نے اس کے باقاعدہ اجرا کی تاریخ کا اعلان نہیں کیا۔