AI ماہرِ کا انتباہ: مصنوعی ذہانت کی دوڑ انسانیت کے لیے خطرناک

اینتھروپک اور اوپن اے آئی میں تین سال تک مصنوعی ذہانت کی تربیت پر کام کرنے والے محقق جیکب کوکسن نے ملازمت چھوڑ کر خبردار کیا ہے کہ دونوں کمپنیاں ایسی AI تیار کرنے کی دوڑ میں بہت تیزی سے آگے بڑھ رہی ہیں جو خود کو مسلسل اور لامحدود طور پر بہتر بنا سکے۔

کوکسن کے مطابق، مستقبل کے جدید AI نظام انسانوں سے زیادہ ذہین ہو سکتے ہیں، کمپیوٹر سسٹمز میں داخل ہونے، سائنس میں بڑی پیش رفت کرنے اور حقیقی دنیا میں طاقت اور وسائل حاصل کرنے کی صلاحیت پیدا کر سکتے ہیں۔

انہوں نے دعویٰ کیا کہ بڑی AI کمپنیوں کے بعض ماہرین کو خدشہ ہے کہ جدید AI 2030 سے پہلے انسانیت کے لیے تباہ کن ثابت ہو سکتی ہے۔

ان کا کہنا ہے کہ اوپن اے آئی میں بہت سے لوگ خطرے کی سنگینی کو پوری طرح نہیں سمجھتے، جبکہ اینتھروپک خطرات سے زیادہ آگاہ ہونے کے باوجود مسابقت کی دوڑ سے نکلنے سے خوفزدہ ہے۔

کوکسن نے مطالبہ کیا ہے کہ AI کی ترقی کو کچھ عرصے کے لیے محدود یا سست کیا جائے اور محققین سنجیدگی سے غور کریں کہ آیا انہیں سپر انٹیلیجنٹ AI کی تیاری میں حصہ لینا چاہیے۔

— CN رپورٹ، 9 ستمبر 2026